ਟੋਰਾਂਟੋ ਦੇ ਕਈ ਹਸਪਤਾਲਾਂ ਦਾ ਸਟਾਫ ਹੋਇਆ ਕੋਰੋਨਾ ਪੀੜਤ

ਟੋਰਾਂਟੋ – ਪਿਛਲੇ ਦਿਨੀਂ ਟੋਰਾਂਟੋ ਦੇ ਹਸਪਤਾਲਾਂ ਵਿਚ ਕੋਰੋਨਾ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ ਤੇ ਕਿਹਾ ਜਾ ਰਿਹਾ ਹੈ ਕਿ 31 ਮਰੀਜ਼ ਤੇ ਸਟਾਫ਼ ਮੈਂਬਰ ਕੋਰੋਨਾ ਦੀ ਲਪੇਟ ਵਿਚ ਆਏ ਹਨ| ਯੂਨਿਟੀ ਸਿਹਤ ਅਧਿਕਾਰੀ ਰੋਬਿਨ ਕਾਕਸ ਨੇ ਦੱਸਿਆ ਕਿ ਸੈਂਟ ਜੋਸਫ ਸਿਹਤ ਵਿਭਾਗ ਵਿਚ ਇਸ ਸਮੇਂ 16 ਮਰੀਜ਼ ਕੋਰੋਨਾ ਦੇ ਇਲਾਜ ਅਧੀਨ ਹਨ ਤੇ ਸੰਭਾਵਨਾ ਹੈ ਕਿ ਇਨ੍ਹਾਂ ਵਿਚੋਂ 7 ਹਸਪਤਾਲ ਤੋਂ ਹੀ ਕੋਰੋਨਾ ਦੇ ਸ਼ਿਕਾਰ ਹੋਏ ਹਨ|ਉਨ੍ਹਾਂ ਦੱਸਿਆ ਕਿ ਹੋਰ 13 ਸਟਾਫ ਮੈਂਬਰਾਂ ਦਾ ਕੋਰੋਨਾ ਟੈਸਟ ਪਾਜ਼ੀਟਿਵ ਆਇਆ ਹੈ| ਪੀੜਤ ਹਸਪਤਾਲ ਦੇ 4 ਯੂਨਿਟਾਂ ਨਾਲ ਸਬੰਧਤ ਹਨ| ਇਸ ਦੇ 2 ਐਲ, 3 ਐਮ, 2ਈ ਤੇ 4ਈ ਯੁਨਿਟ ਵਿਚ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਹੋਈ ਹੈ| ਇਹ ਸਾਰੇ ਮਾਮਲੇ 3 ਅਕਤੂਬਰ ਤੋਂ 16 ਅਕਤੂਬਰ ਵਿਚਕਾਰ ਆਏ ਹਨ|ਯੂਨੀਵਰਸਿਟੀ ਸਿਹਤ ਨੈਟਵਰਕ ਦਾ ਕਹਿਣਾ ਹੈ ਕਿ 3 ਮਰੀਜ਼ ਤੇ 6 ਸਟਾਫ ਮੈਂਬਰ ਕੋਰੋਨਾ ਦੇ ਸ਼ਿਕਾਰ ਪਾਏ ਗਏ ਹਨ|